Cloud Computing Kya Hai? Cloud Computing Kaise Kaam Karti Hai? Jante Hai Hinglish Mein.

Table Of Content

• Cloud computing kya hai?
• Cloud computing kaam kaise karti hai?
• Cloud computing ke prakar. 
• Cloud computing services ke prakar: IaaS, PaaS, SaaS
• Cloud computing ke fayede.
• Cloud computing ke upyog.

Hello dosto welcome hai aap sabka HinglishBlogin par aaj ham janenge cloud computing  ke bare me. Agar aap logon ko cloud computing ke bare me nhi pata hai toh mein apko bolna chahta hun ki agar aapne kabhi bhi kisi online services ka use kia hai jese ki gamil, google drive, google photos, Netflix, Facebook, Spotify, etc. Toh aap cloud computing se connected hai.

Cloud Computing Kya Hai?

Internet ke madad se alag-alag services ko logon tak deliver karne ko cloud computing kahte hai. In services me applications aur tools shamil hai jese ki data storage, server, databases, networking, and software.

Yaha ham data ya file ko hard drive or local devices me store nahi karte hai balki cloud-based storage ke madad se remote database me save karte hai. Aur jab tak hum koi electronic device duara web se connected rahenge tab tak hum koi bhi particular data ya software ko access kar payenge kisi bhi program ko run karen ke liye.

Cloud computing bahut hi popular hai logon me aur business karne ke liye kyunki ye efficient, cost-saving hai, speed performance hai, increased productivity hai, aur good security provide karta hai.

Cloud computing kaam kaise karti hai?

Is technology ka nam cloud computing isiliye padha kyunki yaha se jo information hum access karte hai wo ek virtual space me present hota jise hum cloud khate hai.

So, companies jo cloud service provide karte hai wo apne users ko allow karta hai files aur application ko server par store karne me aur fir usko access karne me internet ke madad se.

Cloud computing apke device se data transfer, processing, crunching karne me shamil har ek kathin kam kar leta hai. Jitne bhi heavy work hai ye unhe bhi ek bade se computer cluster me move kar deta hai dur kahi cyberspace par.

Jo internet hai wo apka cloud ban jata hai fir dunia ke kisi bhi kone se aap apne data, work, application ko apne device me internet ke madad se access kar sakte hai.

Cloud computing public aur private dono ho sakte hai. Public cloud service apne users ko internet me free service provide karta hai.

Jabki private cloud service kuch logon tak hi simit hai, ye ek networks par based service hai jo hosted service provide karta hai. Hybrid options bhi hota hai jaha par apko public aur private dono service ek sath available hota hai.

Cloud computing ke prakar

Cloud computing alag-alag prakar ke hote hai jo apke use par depend karta hai. Har cloud same nahi hota hai, bahut sare clouds ke model, types,service hote hai jo apke need ka sahi aur satik solution pradan karti hai.

Phele apko ye pata karna hai ki aap konse prakar ke cloud deployment ko implement karne wale hai. Aap cloud service ko 3 alag-alag type se deploy kar sakte hai: public cloud, private cloud, aur hybrid cloud. 

1. Public: Public clouds ko third-party cloud service provider own aur operate karta hai. Ye apne computing resources jese ki servers, storage ko free me internet me deliver karta hai.

Yaha ke sare hardware, software, supporting infrastructure ko cloud provider own and manage karta hai. Aap web browser ke duara in services ko access kar sakte hai.

2. Private: Private clouds unko bola jata hai jo specially kisi ek business karne walo ya koi organization duara use kia jata hai.

Private cloud aksar company ke datacentre me located hota hai. Yaha pe services aur supporting infrastructure private network par maintain aur manage kia jata hai.

3. Hybrid: Hybrid clouds private aur public clouds ke combination se banta hai. Yaha data aur application in dono ke bich share hote rehte hai.

Aur isiliye hybrid cloud bahut felxible hai business karne ke liye. Yaha jyada deployment ka options milta hai aur infrastructure, security, compliance ko optimise karna bahut easy hota hai.

Cloud computing services: IaaS, PaaS, SaaS

Cloud computing basically 3 types ke hote hai aur inko stack bhi khete hai kyunki inka banawat ek ke upar ek jesa hota hai. Agar apko pata rahega ye kya hai aur inka differences kya hai toh apko business me maharat hasil karne me asani hogi.

1. Infrastructure as a service(IaaS): Cloud computing ka sabse basic category hai. IaaS me apko infrastructure, server, virtual machine, storage, operating system rent me milti hai cloud provider ke duara pay-as-you-go basis par. Matlab service use karne se phele pay karna padta hai.

2. Platform as a service(PaaS): Ye un services ko refer karta hai jo users ke on demand par ek esa environment create karta hai jaha user kisi bhi application ko develop kar sake, testing kar sake, manage kar sake, aur logon tak deliver kar sake.

Ye service designed hi isiliye kia gya hai taki developers asani se web page, mobile apps bana sake bina kisi storage, server, database, managing, aur infrastructure ke tension kiye huye.

3. Software as a service(SaaS): Software applications ko internet me deliver karne ki ek method hai, jo users ke on-demand ya subscription par based hai.

Yaha cloud provider hi software application, infrastructure ko manage karta hai aur maintenance ko bhi handle karta hai jese ki software updates, security patching. Users yaha internet, devices ke web browser ke madad se software applications se connect hote hai.

Cloud computing ke fayede.

Cloud computing ke bahut sare fayede hai jese ki :-

• Cost: Cloud computing bahut lagat prabhabi hai yaha apko hardware, software, electric supply ke liye karch nahi karna hota hai aur infrastructure, server ko manage bhi nahi karna hota hai.
• Speed: Cloud computing self-service provide karta hai on demand par jiske chalte bade-bade resources bhi kam time par deliver kar sakta hai bas kuch clicks karke.
• Productivity: On-site datacenters par bahut jyada kam karna padta hai like hardware setup, software patching, aur anya time consuming kam. Cloud computing in sabko hata deta hai jike karan users apne goal par maximum focus kar pata hai.
• Performance: Bade cloud computing services secure datacenter ke worldwide network par run karti hai jo regularly apne computing hardware ko fast aur efficient banane ke liye latest generation me upgrade hota rehta hai. Benefit yahi hai ki network latency kam ho jata hai.
• Security: Jayda tar cloud provider apko alag-alag prakar ke policies, technologies, controls offer karta hai jo apke security majboot banata hai aur potential threats se bachata hai.
• Reliability: Cloud computing apka data backup kar sakte hai, disaster proof hai. Business karna asan aur lagat prabhabi ho jata hai kyunki cloud apne network ke koi bhi site par apka data multiple time copy karke save rakh sakta hai. 

Cloud computing ke uses(upyog).

Apko pata nahi hoga lekin har din aap cloud computing ka use karte hai. Agar aap online services ka use karte jese ki email bhejna, movies dekhna, gaana sunna, documents edit karna, games khelna, files store karna toh aapko pata hona chahiye cloud computing hi yaha behind the scene kam karta hai.

Kuch udaharan jaha hum cloud computing ka upyog karte hai.

1. Store, back up, aur data recover karna.

Apke data ko internet par secure offsite cloud storage system me transfer karke apke data ko protect karta hai bahut hi kam karch me jo ki kisi bhi location aur device se access kia ja sakta hai.

2. Video aur audio streaming.

Aap apne audience se connect ho sakte hai kabhi bhi kahi bhi kisi bhi device par wo bhi high definition audio aur video quality ke sath.

3. On demand software pradan karna.

Ise software as a service(SaaS) bhi bol sakte hai. Ye apko allow karta hai apne customers ko latest aur updated software versions pradan karne me.